Ապրիլի 12, 2018

Դայվ Ռեզորթ

Լինելով Լեռնային երկիր՝ Հայաստանը երբեք չի ասոցացվել սուզվելու հետ, այնինչ Սևանը շատ հարմար վայր է սուզորդական տուրիզմ զարգացնելու համար, քանի որ ունի բազմաթիվ առավելություններ (Տե՛ս տեխնիկական տվյալներ Սևանի մասին

«Արմդայվինգ» կազմակերպությունն ունի նպատակ ստեղծել միջազգային PADI ընկերության կողմից հավատարմագրված սուզորդական կենտրոն Սևանա լճում։ Այն կառուցվելու է կոնտեյների միջոցով, ինչը հանդիսանալով շարժական կառույց, ազատ է լինելու Սևանի ջրի մակարդակի տատանումներից։

 

Ռեզորթի հարմարությունները

  • ֆրիդայվինգի միջազգային մրցումներ կազմակերպելու համար նախատեսված լողացող պլատֆորմ
  • 250 մետր լայնությամբ և երկարությամբ լողակներով առանձնացված տարածք կենտորնին կից ջրային հատվածում՝ անվտանգ սուզումներ իրականացնելու, ինչպես նաև տարատեսակ դասընթացներ կազմակերպելու համար
  • 48 անձի համար նախատեսված գիշերելու սենյակներ
  • սուզորդական պարագաների խանութ
  • սուզորդական պարագաների վարձակալություն
  • լիցքավորման կայան՝ նախատեսված օդի, թթվածնի և հելիումի լիցքավորման համար
  • սուզորդական հանդերձանքի համար չորանոց
  • բուժկետ
  • խոհանոց
  • պահեստ
  • տեսական դասընթացների սենյակ
  • հանդերձարան
  • սանհանգույց՝ բաժանված տղամարդկանց և կանանց համար
  • Բարոկամերաներ
  • Ստորջրյա արձաններ, քվեստ խաղեր, տեսարժան վայրեր

Նախագիծն իրականացնելու համար Արմդայվինգը վերջին 5 տարիների ընթացքում ուսումնասիրել է միջազգային դայվ տուրիզմի մատուցման փորձը տարատեսակ ցուցահանդեսներում (Օրլանդո, Լաս-Վեգաս, Դյուսելդորֆ, Մոսկվա և այլն), օգտվել ավելի քան 40 դայվ ռեզորթների ծառայություններից աշխարհի ավելի քան 20 երկրներում, կազմակերպել 1000-ից ավել սուզումներ Սևանում։

Թիմը բաղկացած է ավելի քան 100 PADI հավատարմագրված սուզորդներով, այդ թվում PADI հավատարմագրված հրահանգիչ, սուզորդ փրկարար, հնագետ, կենսաբան, տեխնիկական սուզորդ։

 

Ինչպես հասնել

 
Հասցե՝
ՀՀ Գեղարքունիքի մարզ, համայնք Ծովագյուղ, 1301, Ճամբարակ խճուղի 11 կմ