Ապրիլի 13, 2018

Ֆրիդայվինգի Սերտիֆիկացում

Եթե ցանկանում եք փորձել բոլորովին մի նոր բան, տարբերվող սկուբա դայվինգից, ապա սա հենց այն է, ինչ դուք փնտրում եք։

Ֆրդայվինգը ստորջրյա սուզման տեսակ է, որի ժամանակ սուզորդը զարգացնում է կարողություն պահել սեփական շնչառությունը ջրի տակ հնարավորինս երկար, ի տարբերություն սկուբա դայվինգի, որտեղ օգտագործվում են լրացուցիչ թթվածին պարունակող սարքավորումներ։

Մենք որոշեցինք ակումբի անդամների համար առաջարկել մի նոր ուղղություն, և սկսեցինք զարգացնել Ֆրիդայվինգը։ Հայաստանում այդպիսի սպորտ սկսելու պատճառներից էր նաև Սևանա լճի հնարավությունների գնահատումը որպես դայվ ռեզորթ ֆրիդայվինգի համար։

Մենք մեծ ծավալի հետազոտություններ ենք անցկացրել Ֆրիդայվինգի ուսուցողական մեթոդների, սերտիֆիկացման և պայմանների հետ կապված։ 2017 թ.-ին կազմվեց առաջին խումբը, որի անդամները սովորեցին և ստացան հավաստագրեր։ Կուրսը հաջողվեց և 3 ամիս անց կազմվեց երկրորդ խումբը, որի կազմում կար արդեն 9 մասնակից։

Հայաստանը համարվում է լեռնային երկիր, իսկ հայերը՝ ոչ շատ լավ ընկերներ ջրի հետ։ Բայց այժմ մենք տեսնում ենք թե ինչպես է զարգանում Սկուբա դայվինգը։ Պարզապես հարկավոր էր կազմակերպչական ջիղ և էնտուզիազմ։ Մենք համոզված ենք, որ Հայաստանում Ֆրիդայվինգի զարգացման համար ևս կան բոլոր նախադրյալները, իսկ Սևանա լիճն ավելի շատ կգնահատվի և կդառնա հանրաճանաչ աշխարհի դայվերների կողմից։

Կուրսի մանրամասները

Ֆրիդայվինգի կուրսը բաղկացած է 3 հիմնական փուլից, որոնք իրենցից ներկայացնում են 6 պարապմունք լողավազանում։ 1 պարապմունքի տևողությունը մոտ 2,5 ժամ է (1 ժամ տեսություն, 1.5 ժամ լողավազան)։ Կուրսերի ավարտին անցկացվում է քննություն և տրվում ռուսական Molchanovs համակարգի որակավորման սերտիֆիկատ։ Կուրսն անց է կացնում Հայաստանի Molchanovs հրահանգիչ Դավիթ Թևանյան-ը.

1. Տեսական գիտելիքներ

Ֆրադայվինգի հմտությունների տեսական դասընթացներ։

2. Սուզումներ փակ ջրում, Gold’s Gym լողավազանում

Ուսուցողական դասընթացներ փակ ջրում (լողավազան) շունչը պահելու հմտություն ձեռք բերելու համար, ինչպես նաև ստատիկ և դինամիկ շնչառության զսպման մեխանիզմի մշակում։

3. Սուզումներ բաց ջրում (լրացուցիչ)

Սուզումներ Սևանա լճում ՝ ազատ սուզվելու հմտություն, և հաստատուն քաշով սուզվելու ունակություն ձեռք բերելու համար, ինչպես նաև մարմնի պատշաճ ընթացակարգը պահելու գիտելիքներ։

Գնացուցակի համար սեղմել այստեղ։

Ինչու՞ անցնել կուրսն ԱրմԴայվինգի հետ

Չափազանց կարևոր է ընտրել կուրսն անցկացնելու վայրը, քանի որ հարկավոր է բալանսավորել դասընթացին տրամադրած բյուջեն և ստացած որակը։ Մեր նպատակը, դասընթացը տրամադրելուց բացի ձեզ լավ սուզորդ դարձնելն է։

 

Տե՛ս Հաճախ Տրվող Հարցեր բաժինը՝ հասկանալու, թե ինչի համար է անհրաժեշտ սերտիֆիկացումը։